Divine Mercy Prayer in Khasi (Indian Language)

Ka Jingduwai Jong Ka Jingisnei Jingblei
(Divine Mercy Chaplet in Khasi)

U Jisu u ong ha ka Sister Faustina: "Jar uba duwai ia kane un iohpdiang bakhraw ha ka khyllipmat ka jingiap. Ki lyngdoh Sohblei kin kyntu ia ki nongpop ban duwai ia ka kum ka jingkyrmen bakhatduh jong ka jingsiewspah. Wat lada dei un nongpop basatar katno katno ruh, lada u duwai ia ka wat tang shisien, un iohpdiang ka jingaiei na ka Jingisnei bymjukut jong Nag." (Diary 687)

Duwai ia kane harum, pyndonkam ia u Rosari bakhuid.


1) Sdang da kaba duwai: Ko Kpa jong ngi...Khublei Ko Maria...Nga Ngeit.
 
     Ha ka jaka "Ko Kpa jong ngi", duwai ia kane harum:
2) Ko Kpa Bymjukut, nga tyrwa ha Me ia ka Met bad ka Snam, ka Mynsiem bad ka Jinglongblei jong u Khun baieid eh jong Me, U Trai jong ngi u Jisu Krist, kum ka jingpynbiang na ka bynta ki pop jong ngi bad jong ka pyrthei salonsar.


Ha ka jaka ki 10 sien "Khublei Ko Maria",duwai ia kane harum 10 sien:


3) Namar ka jingshahshitom basngewsih jong u Jisu; to isnei ia ngi bad ka pyrthei salonsar. 


Ha bakut  u Rosari duwai 3 sien ia kane harum:
4) Bakhuid u Blei, Bakhuid Uba Donbor, Bakhuid Uba Im Junom, 
   To isnei ia ngi bad ka pyrthei salonsar. 


Ko Jisu, Nga Shaniah ha Me.


Ko Faustina Bakhuid, to duwai na ka bynta jong ngi!


Ka Jingduwai Por "3" Baje Nohsngi
(Ka bynta jong ka Jingisnei bakhraw)


"Ko Jisu, Me la dkut mynsiem, hynrei ka umpohliew jong ka jingim ka kyrsoi na ka bynta ki mynsiem, bad ka duriaw bah jong ka jingisnei ka shlei na ka bynta ka pyrthei salonsar. Ko Umpohliew Jingim, ko Jingisnei Jingblei bym lah thew shuh, to taplup ia ka pyrthei salonsar bad to pynthylli ialade hapoh jong ngi"


Ko Snam bad ko Um bakyrsoi na ka Dohnud u Jisu, kum ka Umpohliew jong ka Jingisnei na ka bynta jong ngi, nga aiti ialade ha phi. 


Bakhuid U Blei, Bakhuid Uba Donbor, Bakhuid Uba Im Junom,
To isnei ia ngi bad ka pyrthei salonsar. (3 sien)


Ka Jisu, Ko Syiem ka Jingisnei, Nga Shaniah lut ha Me. Amen.


DUWAI NADUH KA DOHNUD, BARABOR !